Argentina na shawarar sanya hoton Messi a jikin kuɗi

 Babban Bankin Argentina na shawarar sanya hoton

gwarzon dan wasan kwallon kafa na duniya a 2022,

Lionel Messi a kan takardar kudin ƙasar na peso 1,000.

A cewar Daily Mail jiya Alhamis, jaridar Argentina, El

Financiero, ta bayyana cewa babban bankin ƙasar

Argentina na son ya kafa wani abu na tunawa da

nasarar da tawogar ƙwallon ƙafar ƙasar ta samu a

Qatar, 

mai cike da tarihi kuma tun kafin wasan da ta

samu nasara kan Faransa a ranar Lahadi ba kin ke

tunanin kan hakan.

A wani cikakken bayani da jaridar ta EF ta wallafa,

cewa muhimmin bangare na dalilin da ya sa a ke

tunanin sanya hoton Messi a jikin kuɗin peso 1,000 shi

ne cewa lambar rigarsa ta Argentina lamba 10 ce.

A tsarin kuɗin, za a saka fuskar Messi a gefe ɗaya,

inda gefe ɗaya kuma za a rubuta sunan tawogar ƙasar

‘La Scaloneta’ shine da aka tsara a bayan takardar

kuɗin.

Kalmar ta zama daidai da wannan rukunin tun lokacin

da Lionel Scaloni ya gaji Jorge Sampaoli a 2018.

Messi ya jagoranci Argentina ta doke Faransa a gasar

cin kofin duniya ta 2022 a karon farko tun 1986.